લોન્ચ પહેલા સામે આવ્યા સેમસંગ ગેલેક્સી M40ના ફીચર્સ, જાણો

0
53

સાઉથ કોરિયન સ્માર્ટફોન કંપની સેમસંગ પોતાની M સીરિઝ હેઠળ એક નવો સ્માર્ટફોન સેમસંગ ગેલેક્સી M40 (Samsung Galaxy M40) 11 જૂને ભારતમાં લોન્ચ કરશે. લોન્ચ પહેલા આ સ્માર્ટફોનના દરેક ફીચર ઓનલાઈન લીક થઈ ચૂક્યા છે. આ સીરિઝનો ચોથો સ્માર્ટફોન હશે. આ પહેલા Galaxy M10, Galaxy M20 અને Galaxy M30 સ્માર્ટફોન લોન્ચ થઈ ચૂક્યા છે.

SamMobileના એક રિપોર્ટમાં આ ફોનના ખાસ ફીચર્સ બતાવવામાં આવ્યાં હતાં. આ રિપોર્ટ અનુસાર ગેલેક્સી M40માં 6.3 ઈંચ ફુલ એચડી + ઈન્ફિનિટી O ડિસ્પ્લે આપવામાં આવી છે. જેનું રિઝોલ્યુશન 2340 x 1080 પિક્સલ્સ છે. ફોનમાં ક્વાલકોમ સ્નેપડ્રેગન 675 પ્રોસેસર આપવામાં આવ્યું છે. M40માં 6GB રેમ અને 128GB ઈન્ટરનલ સ્ટોરેજ આપવામાં આવશે. આ ફોનમાં 3,500mAh બેટરી આપવામાં આવશે. એ પહેલા એવા ન્યૂઝ હતા કે ફોનમાં 5,000mAhની બેટરી હોય શકે છે. ગેલેક્સી M30માં પણ 5,000mAh બેટરી આપવામાં આવી છે.

આ ફોનમાં લેટેસ્ટ એન્ડ્રોઈડ 9.0 પાઈ ઓપરેટિંગ સિસ્ટમ આપવામાં આવશે. આ લેટેસ્ટ ઓપરેટિંગ સિસ્ટમ સાથે લોન્ચ થતી M સીરિઝ પહેલી ડિવાઈસ હશે. ફોનમાં 32+5+8 મેગાપિક્સલનો ટ્રિપલ રિયર કેમેરા સેટઅપ આપવામાં આવ્યું છે. ફોનમાં 16 મેગાપિક્સલનો ફ્રન્ટ કેમેરા હશે.

ભારતમાં આ ફોનની કિંમત 20,000 રુપિયાની આસપાસ હોય શકે છે. ભારતમાં આ કંપનીની વેબસાઈટ પર નોટિફાઈ મીનો ઓપ્શન પણ જોવા મળે છે. આ ફોન ભારતમાં કંપનીની ઓફિશ્યિલ વેબસાઈટ અને એમેઝોન એક્સક્લૂઝિવ મળશે. એ જાણકારી પણ સામે આવી છે કે આ ફોન સાથે ઈયરફોન નહીં આવે. આ ઉપરાંત 3.5mm જેક પણ હાજર નથી. આ ફોન બ્લેક, બ્લુ અને ઓરેન્જ કલર ઓપ્શન્સમાં આવશે.

LEAVE A REPLY

Please enter your comment!
Please enter your name here