IPL,ક્રિકેટ વર્લ્ડ કપને કારણે ટીવીની ઓનલાઈન ખરીદી વધી

0
51

તાજેતરમાં પૂરી થયેલી IPL અને હાલમાં ચાલી રહેલા ક્રિકેટ વર્લ્ડ કપને પગલે એમેઝોન ઇન્ડિયા અને ફ્લિપકાર્ટ જેવા ઇ-કોમર્સ પ્લેટફોર્મ પરથી વેચાતાં ટીવીમાં નોંધપાત્ર વૃદ્ધિ નોંધાઈ છે. “એમેઝોનની સાઇટ પર ટીવી કેટેગરીના વેચાણમાં ફેબ્રુઆરીની સરખામણીએ માર્ચમાં અને એપ્રિલમાં 50-50 ટકાનો વધારો થયો છે.”

એમ એમેઝોન ઇન્ડિયાના કેટેગરી લીડર (ટીવી) ગરિમા ગુપ્તાએ કહ્યું હતું. ફ્લિપકાર્ટના પ્રવક્તાએ કહ્યું હતું કે, અમે IPL 2018ની સરખામણીએ IPL 2019 દરમિયાન ટીવીના વેચાણમાં 25 ટકા ગ્રોથ કર્યો હતો અને ખાસ તો સાઉથનાં રાજ્યોમાં સારું વેચાણ નોંધાયું હતું કારણ કે, ચેન્નાઈ સુપર કિંગ્સ આ ટૂર્નામેન્ટમાં ફાઇનલ સુધી પહોંચી હતી.

બંને ઇ-કોમર્સ કંપનીએ મોટી સાઇઝના ટીવીના વેચાણમાં ઉછાળો નોંધ્યો છે. ગુપ્તાના જણાવ્યા પ્રમાણે, તમામ સાઇઝના ટીવીમાંથી 32 ઇંચનું ટીવી સૌથી વધુ વેચાય છે પરંતુ 55 ઇંચ અને તેનાથી વધુ વેચાય છે પરંતુ 55 ઇંચ અને તેનાથી વધુ મોટી સાઇઝના ટીવીનું વેચાણ ઝડપભેર વધી રહ્યું છે.
એમેઝોનની સાઇટ પરથી વેચાતાં ટીવીના આંકડા પ્રમાણે શાઓમી, સેમસંગ, LG, માઇક્રોમેક્સ અને કેવિન ટોપ-ફાઇવ ટીવી બ્રાન્ડ્સ છે એમ ગુપ્તાએ જણાવ્યું હતું.

“ગ્રાહકોમાં મોટી સાઇઝના ટીવી પર મેચ જોવાનો શોખ વધી રહ્યો છે અને આથી તેઓ 43 ઇંચનાં ટીવી વધારે પસંદ કરી રહ્યાં છે. મહારાષ્ટ્રના બીડ અને સાંગલી, કર્ણાટકના રામનગર, ઉત્તરાખંડના બંદિઆ, રાજસ્થાનના નિમ્બાહેરા અને મધ્યપ્રદેશનાં સેંધવા તથા શાહડોલ જેવા નાનાં ગામડાંમાંથી પણ ટીવીના ઓર્ડર મળ્યા છે.” એમ ફ્લિપકાર્ટના પ્રવક્તાએ કહ્યું હતું.

નિષ્ણાતોના જણાવ્યા પ્રમાણે, ઇ-કોમર્સ સાઇટ પરથી ખરીદવામાં આવતાં ટીવીની સરેરાશ કિંમત ₹20,000-25,000ની વચ્ચે હોય છે. સેમસંગ, LG અને સોની કરતાં ઘણા ઓછા ભાવે માત્ર ઓનલાઇન ટીવીનું વેચાણ કરતી કંપનીઓને કારણે પણ ટીવીના વેચાણને પ્રોત્સાહન મળ્યુ છે. ઇ-કોમર્સ કંપનીઓ ટીવીનું વેચાણ વધારવા માટે એક્સચેન્જ ઓફર અને નો-કોસ્ટ EMI જેવી સ્કીમ લોન્ચ કરી રહી છે.

LEAVE A REPLY

Please enter your comment!
Please enter your name here