SBIમાંથી હોમ લોન લેનારાને મળશે મોટો ફાયદો, જૂની લોનવાળા પણ લઈ શકશે લાભ

0
42

દેશની સૌથી મોટી બેંક SBI હોમ લોનના વ્યાજને રિઝર્વ બેંક દ્વારા નક્કી કરાતા રેપો રેટ સાથે જોડી દેનારી પહેલી બેંક બની છે. મહત્વનું છે કે, હાલમાં જ રિઝર્વ બેંકે ત્રીજીવાર વ્યાજ દર દરમાં ઘટાડો કર્યો છે, પરંતુ મોટાભાગની બેંકોએ હજુ સુધી તેનો લાભ લોનધારકોને આપ્યો નથી. રિઝર્વ બેંકે લોનના વ્યાજ દરને રેપો રેટ સાથે જોડવાની દરખાસ્ત હાલ લાગુ કરી ન હોવા છતાં એસબીઆઈએ મોટો નિર્ણય લેતા રેપો રેટ અનુસાર હોમ લોન પર વ્યાજ લેવાની જાહેરાત કરી છે.

શુક્રવારે એસબીઆઈએ નવી પ્રોડક્ટની જાહેરાત કરી હતી જેમાં, હવેથી તેની હોમ લોન પર રેપો રેટ અનુસાર વ્યાજ લેવામાં આવશે. હાલમાં બેંકો પોતાના આંતરિક બેન્ચમાર્કના આધારે લોનનો વ્યાજ દર નક્કી કરતી હોય છે. બેંકો પાસે પોતાના ફંડની કોસ્ટના આધારે લોન પર વ્યાજ દર નક્કી થાય છે. જ્યારે રેપો રેટ એટલે એ દર કે જેના પર આરબીઆઈ બેંકોને ટૂંકાગાળા માટે નાણાં ધીરે છે.

એસબીઆઈએ જાહેરાત કરી છે કે, 75 લાખ રુપિયા સુધીની લોન પર હવે તે રેપો રેટ પર 2.65 ટકા વધારે વ્યાજ લેશે. હાલનો રેપો રેટ 5.75 ટકા છે. જેના આધારે એસબીઆઈની નવી હોમ લોન પરનું વ્યાજ 8.40 ટકા રહેશે. જો આરબીઆઈ રેપો રેટમાં કોઈ વધારો કે ઘટાડો કરે તો તે અનુસાર આ લોનનો વ્યાજ દર પણ એડજસ્ટ થશે. આરબીઆઈ સામાન્ય રીતે દર ત્રણ મહિને પોતાની ક્રેડિટ પોલિસીનો રિવ્યૂ કરતી હોય છે.

જે લોકોની હાલમાં લોન ચાલી રહી છે તે લોકો પણ પ્રોસેસ ફી ભરીને નવી ઓફરમાં પોતાની લોન ટ્રાન્સફર કરી શકે છે. બેંકના ડેપ્યુટી એમડી પ્રશાંત કુમારના જણાવ્યા અનુસાર, SBIના સેવિંગ્સ અકાઉન્ટ્સ રેપો રેટ સાથે લિંક્ડ છે. તેવામાં લોનને પણ તેની સાથએ લિંક કરવામાં બેંકને કોઈ તકલીફ નહી પડે.

LEAVE A REPLY

Please enter your comment!
Please enter your name here